قالت الدكتورة منار طنطاوي زوجة الباحث والصحفي هشام احمد عوض جعفر والشهير بـ #هشام_جعفر مدير مؤسسة “مدى الإعلامية” في القضية رقم 720 لسنة2015 حصر أمن دولة عليا انه بانعقاد جلسة التجديد القادمة له في19 سبتمبر الجاري سيكون قد أمضي عامين في محبسه محبوس حبسا احتياطيا.
وارودت طنطاوي تفاصيل التعسف الطبي الذي يمارس عليه في محبسه.
وقالت طنطاوى على حسابها على حسابها في الفيس بوك “جلسة التجديد القادمة لـ #هشام_جعفر هيكون تم سنتين حبس احتياطى ،محبوس وهو مريض ولم يتم مواجهته كالعادة باى ادلة ادانة الى جانب انهم دلوقتى اتأكدوا ان احنا مش بتوع شو وكلام مخالف للحقيقة من ساعة ما اظهرنا تقارير طبية اللى كانت مفأجأة ليهم ان تم عرضها لان كل الاوراق اللى تثبت مرض هشام جعفر معاهم قال ايه اوراق خطر على الامن القومى ”
واضافت “هشام جعفر قعد فى القصر العينى من شهر مارس 2016 لشهر اغسطس 2016 و اتعالج اسبوعين على حسابهم و بعد كده كانوا بيصرفوله شريط واحد دواء فى الشهر واقسم بالله كل علاجه كان على حسابنا ومش كده وبس لكن كنت بشوف مرار الهى يطلع عليهم واحد واحد من منع الدواء اللى كنت بشتريه ولازم تصريح نيابة والنيابة كنت عارفة مقدما انها بترفض تستلم اى طلب من المحامى فكنا نفوت مرة ونحاول لغاية لما ندخل واذكر فى رمضان 2016 الضابط اللى كان بيبقى فوق فى القصر العينى كان بيبقى نايم ولما كنا نودى علاج وغيارات و دواء كان يرفض ان اى حاجة تدخل الا لما يصحى علشان يفتش وطبعا لازم نروح على الساعة 5 عصرا علشان ندخل الحاجة15 يوم مررنا فيهم لغاية لما ربنا اكرمنا بحد من معارفنا كان هو اللى بيودى الحاجة لانه ساكن قريب من القصر العينى. “.
واشارت طنطاوى ” مع طول الفترة و مكنتش عربية الترحيلات بتيجى لهشام خالص 3 مرات يتكتبله علشان يروح يعمل منظار و العربية متروحش و بعدين نفاجأ انهم بيرحلوه من القصر العينى لانه عمل الاشعات و التحاليل و حالته لا تستلزم وجوده فى مستشفى القصر العينى و ينقل باى وسيلة مواصلات و بعد ما رجع العقرب جاله احتباس بول و الدكتور فى السجن ركب القسطرة غلط فجاله نزيف فاضطروا ينقلوه مستشفى ليمان طره و ظهر قدام القاضى بجلسة 24 اغسطس 2016 و هو ماسك قسطرة طبية. “.
وتابعت “ايه اللى استفاده الطبيب اللى قال انه كشف عليه و بقى حلو و زى الفل و يرجع العقرب (التقرير مرفق) و هشام اكدلى انه مكشفش عليه حد لا بالتاريخ ده و لا حتى قبله بشهر و انه معملش اى حاجة خالص غير انه قعد فى القصر العينى بدل العقرب فقط “.

تعليقات الفيس بوك

تعليقات