الإفراج عن ”أحمد أبو دراع” بعد 8 أيام من احتجازه بكمين ”بالوظة”
أعلن أبو السعود محمد، عضو مجلس نقابة الصحفيين، الإفراج عن أحمد أبو دراع، الصحفي بجريدة المصري اليوم، مساء امس السبت.
وأوضح عضو مجلس الصحفيين، في تصريحات صحفية، أنه تم إطلاق سراح “أبو دراع” من قسم رمانة، بعد إلقاء القبض في ١٨ مارس الجاري بكمين بالوظة بالقرب من سيناء.
ويعمل “أبو دراع” بجريدة المصري اليوم منذ بداية إصدارها، ويُغطي الأحداث الجارية بمنطقة سيناء، وسبق له الحصول على عدة جوائز منها جائزة سمير قصير لحرية الصحافة، وشهادة تفوق من نقابة الصحفيين.
وكشف الصحفي، محمد البحراوي، عن تفاصيل المكالمة الأخيرة للصحفي، أحمد أبو دراع، بعد القبض عليه، الثلاثاء الماضي.
وكتب “البحراوي” عبر حسابه الشخصي على موقع “فيس بوك”: “رسالة لجموع الصحفيين:
أنا مكنتش حابب أتكلم في الموضوع ده، بس واضح أننا محتاجين وقفة مع الجميع. أحمد أبودراع اتصل بي لحظة القبض عليه يوم الثلاثاء اللي فات 21. مارس وقالي بالنص: يا بحراوي أنا اتقبض عليا من كمين بالوظة (شمال سيناء) ومترحل دلوقتي على قسم شرطة رمانة، حاول تساعدني.. قولتله: مسكوك ليه يا أحمد معاك مخدرات أو سلاح أو غيره؟ قالي: مفيش أي حاجة ده قبض اشتباه عشان بطاقتي فيها العنوان الشيخ زويد واتقطع الخط من ساعتها”.
وتابع “البحراوي”: “بعدها بدقائق وعلى الفور وبصفتي واحد من اللي بيغطوا ملف سيناء وأعرف أحمد كويس زي كل الأصدقاء المراسلين اللي هناك، عملت اتصالات بكل الدنيا (سلطات الأمن)، الجريدة، أعضاء النقابة كلمت الأساتذة أبوالسعود محمد وأيمن عبدالمجيد ومحمد سعد عبدالحفيظ”.
وأوضح “البحراوي”: “وكلمت نقيب الصحفيين الأستاذ عبدالمحسن سلامة اللي كان رده صدمة لي قالي: أبودراع شكله بتاع مشاكل وبيتقبض عليه كتير هعمله إيه يعني؟!!.
