عضو مجلس “الصحفيين” : لم اتمالك اعصابي حين سماعي الانتهاكات المروعة بحق الصحفيين

اكد عمر بدر عضو مجلس نقابة الصحفيين المصريين انه يشعر بالسير في مساحات واسعة من العجز حيال الانتهاكات المروعة التي يتعرض لها الصحفيين المعتقلين وانه لم يتمالك اعصابه حين سماع حجم المعناة التي يتعرض الصحفيون واسرهم خلال حفل تضامني اقيم في نقابة الصحفيين.
وقال بدر على حسابه بالفيس بوك ” النهارده كنّا في حفل تكريم لزميلنا خالد البلشي في نقابة الصحفيين .. خالد طبعا يستحق كل تكريم وتقدير ..
اثناء التكريم سمعت حكايات زوجات وأسر زملائنا المحبوسين .. ورغم انها مش اول مرة اسمع حكاياتهم أو أقابلهم لكن اتأثرت بدرجة غير طبيعية .. وكنت حريص جدا اني اكون متماسك وسط القاعة .. القاعة اللي كانت مليانة بزملائنا المحترمين والنبلاء والصادقين ..
حكايات أسر الزملا المحبوسين حسستني ازاي احنا كلنا عايشين في عجز في ظل الجنون اللي بنعيشه .. كلنا فعلا بنتحرك في مساحة عجز ملعونة .. اللي بيحاول واللي استسلم كلنا عاجزين ..
كلمة زميلنا محمد سعد كانت اعتذار للزملا وأسرهم عن العجز وأثرت في جدا .. رغم كل محاولاتنا في مجلس النقابة اننا نقف جنب الزملا اللي وثقوا فينا لكن الجنون أقوى مننا ..
الشيء الوحيد اللي اقدر أقوله إن كلام أسر زملائنا المحبوسين خلاني مصمم اكتر إني أتحرك واناضل وأقاتل علشان حريتهم .. مهما كان التمن اللي هندفعه .. ومهما كانت درجة العجز اللي احنا عايشين فيها .. مش هنسيب الزملا دول وأسرهم فريسة للعجز والإحباط واليأس .. حاولنا كتير وهنحاول تاني .. مهما كان التمن !!
تبت يدا من ساب رفاق المعركة بطولهم ..

اظهر المزيد

مقالات ذات صلة

اترك تعليقاً

إغلاق