لأول مرة الصحفي محمد حسن يحتفل بعيد ميلاده في محبسه

قالت شقيقة محمد حسن الصحفي بجريدة “النبأ” وأحد الصحفيين الثلاثة المعتقلين فيما يعرف بقضية صحفيي محيط النقابة والذين تم اعتقالهم في 26 سبتمبر الماضى اثناء صويرهم تقريرا عن الازمة الاقتصادية، أن شقيقها يحتفل اليوم بذكري عيد ميلاده وان اسرته ذهبت لتقدم له التورتة اليوم ، لكنها لم تتمكن من الذهاب معهم بسبب ان الزيارة فقط لثلاثة اشخاص وهى ستكون الرابعة وسيتم منعها من الدخول.

وقالت شقيقته في حسابه على الفيس بوك “النهار ده عيد ميلاد محمد طبعا بابا وماما راحوا له السجن واختي عشان يحتفل ا به هناك ولانه فقط المسموح بدخولهم الزيارة ثلاثة بس فكان هما اللي دخلوا التورتة دي ماما جابتها له عشان ماكانش ينفع اليوم ده يعدي كدا من غير ما نكون فيه سوا مع بعض عايزة اقولكم قد ايه الاحساس بشع وصعب، قد اية ان يكون حد قريب منك بعيد مش قادر تكون معاه مش قادر تفرح قد ايه الظلم اللي احنا حاسينه وقد ايه الوجع اللي عايشينه واحنا بنحتفل بيه جوه سجن

محمد مش مجرم ولا ارتكب جريمة يمكن جريمته الوحيدة انه بيحب يصور وانه شهم دي الازمة الاكبر

 مش عارفه اقول ايه بس هاطلب منكم تتكلموا وتوصلوا للناس حكايات محمد وزمايله يمكن يفرق او تتغير حاجة

كل سنة وانت طيب ياحبيبي

كل سنة وانت معانا

#الحرية_للجدع

#الحرية_لمحمد_حسن

#الصحافه_مش_جريمة