محمد حسن: أموت في محبسى يوميا عدة مرات جراء التعذيب

وقال حسن في رسالة نقلتها عنه شقيقته المحامية نورهان حسن “سألت نفسي كتير جدا من اول ما اتقبض عليا يوم26/9/2016من قدام نقابة المحامين ايه الغلط الي انا عملته علشان اتهان واتعذب من ظابط امن الدوله كدا يهنيي واتصعق بالكهرباء رغم انه قالي اني مليش في حاجة وده خلاني استغرب اكتر وبعد يمين من الاختفاء قسريا واتعرضت علي النيابة واتوجهتلي التهم دي 1_انضمام لجماعه محظورة(الاخوان) 2_حيازة معدات بغرض الترويج لافكار الجماعه(الكاميرا)3_دعوة لتظاهر 4_نشر اخبار كاذبة الناس كلها عارفين ان مليش علاقه بيهم بلعكس ديما بنتقضهم جدا اما حيازة الكاميرا ودي اغرب حاجة تقريبا ميعرفوش اني صحفي المفروض اشيل اي ياعني ودة الي مكنتش اتوقعه خالص ههههههههههه اما الدعوة لتظاهر بقا دي مسخرة لان قانون التظاهر مفهوش نص بيعاقب علي النيه(علي فرضا يعني)لان يجب تجميع مواطينين للمطالبه بمطلب معين وبعد كدا بخطر وزارة الداخلية اني هتظاهر يعني(بلح) اما الاخبار الكاذبة دي محدش فينا انا ولا امن الدوله ولا النيابة عارفه اي هي الاخبار الكاذبة دي الجميع عارف محمد كويس اني مش اخوان ولا اني صايع ولابلطجي والتلفيق دا انا مش فاهم لي مصممين انهم يحاربوا الصحفيين انا هنا شفت حاجات لوحد كان حكالي عليها مكنتش هصدقولما رحت سجن طرة شفت شباب بيضيع 18سنةفي تالته ثانوي وجامعه شباب البلد دي محتجاهم ليه محبوس ظلم لازم النظام الحالي يراجع نفسه لان في شباب كتير محبوس ظلم يقدر يبني البلد وبيحبها جدا وبامل انيكون في تعديل في هيكل نظام امن الدوله لانهم ظالمين شباب كتير جدا وبينتهكوا حقوق الانسان في طرةالحياة غير ادامية نهائي عايشين في غرف في عنبر [(1)الايراد ]غرفه (5ا)الصراصير في كل ممان الكهرباء عريانة وكل ماحد بيتعب بيقعد باليوم والاتنين والتلاته تعبان علشان تروح العيادة ولماتروح بيدي نفس الدوا لكل الامراض حتي لو عندك برداومرض جلدي الناس هنا بتموت والاكل مش نضيف هنا العذاب نفسي وبنموت بالبطيئ انا تعبت وبموت مليون مرة في سجن طرة في اليوم والعذاب اكتر لما بشوفها في عين امي وهي بتشوف ابنها بيموت وهي مش قادرة تعمل حاجة الصحافه مش جريمة وانا مغلطتش ولا انا اخوان ولا بنتمي لاي تيار سياسي او دينياو حزبي انا مسلم مصري انتمي بس لاهلي وبلدي ( انا اصغر مصور صحفي في مصر)19سنة لان الشباب هما بكرة”